ការលេចវត្តមានរបស់ តារាសម្តែងស្រស់សោភា ជាប់ងារជាតារារាងស្លីម មានត្រេមុខស្រដៀងប៉ារីសហ៊ីលតុន នាង ទឹម រដ្ឋា នៅស្ថានីយទូរទស្សន៍ស៊ីធីអិន និង My TV ជាច្រើនកម្មវិធីបានធ្វើឲ្យគេសង្ស័យថា តារារូបនេះទំនងជាមានខ្នងបុរសជាឧកញ៉ាណាម្នាក់នៅពីក្រោយខ្នង ស្របពេលតារារូបនេះកាន់តែហ៊ឺហាជាមួយរថយន្តទំនើប និងមានរបស់ប្រើប្រាស់សុទ្ធតែថ្លៃៗ។
ខណៈពេលដែលនាងកំពុងតែមានប្រាក់ចាយសប្បាយពេញៗដៃនេះ ស្រាប់តែទស្សនិកជនមានការភ្ញាក់ផ្អើលជាមួយនឹងឈុតថតក្តៅរោលរាល របស់ តារាស្រីរូបនេះជាមួយនឹងតារាចម្រៀងសម្តែង អេនឌី ដែលតាមរយៈរូបថតទាំងនោះ គេបានវាយតម្លៃថា អាចនឹងធ្វើឲ្យបុរសក្នុងបេះដូងរបស់នាងមានការអាក់អន់ចិត្តមិន ខាន។
ក្នុងឈុតសម្លៀកបំពាក់ជាច្រើនបន្លាស់ដែលសុទ្ធតែស្តែងពីការ បញ្ចេញសាច់លើក្រោមនោះ ទឹម រដ្ឋា ដែលមានអាជីពជាអ្នកដើរម៉ូដឈានមុខផងនោះ បានបញ្ចេញកាយវិការស្រើបស្រាលអមជាមួយនឹងការបញ្ចេញសាច់គួរឲ្យ ព្រឺព្រួច ដែលការស្លៀកពាក់ និងកាយវិការទាំងនោះបានធ្វើឲ្យទស្សនិកជនប្រុសស្រីញាក់សាច់មិន តិចទេ ដោយសារ អេនឌី បបោសអង្អែល ដែលអ្នកខ្លះបញ្ចេញមតិថា នោះជាកាយវិការមិនសមរម្យឡើយក្នុងនាមជាស្ត្រីខ្មែរ តែអ្នកខ្លះបានបញ្ចេញយោបល់ថា នោះគ្រាន់តែជាភាពទាក់ទងមួយក្នុងសិល្ប៍វិធីនៃសិល្បៈតែ ប៉ុណ្ណោះ។
ប៉ុន្តែយ៉ាងណាអ្នកធ្លាប់តាមដានសកម្មភាពតារារូបនេះបានលើកឡើង ថា ភាពស្រើបស្រាលជាសាធារណៈនោះអាចជាឥទ្ធិពលមួយធ្វើឲ្យស្នេហារបស់ នាងមានបញ្ហាមិនខាន ខណៈកន្លងមកគេបានដឹងថា តារារូបនេះធ្លាប់លេចចេញចំណងទាក់ទងស្នេហ៍ជាច្រើនផ្លូវ។ កន្លងមកគេល្បីថា តារាស្រីដែលមានប្រភពមកពីខេត្តបាត់ដំបងរូបនេះធ្លាប់មានទំនាក់ ទំនងស្នេហ៍ជាមួយនឹងតារារួមខេត្តគឺលោក ប៉ែន ចំរ៉ុង ក្រោយមកល្បីថា មានទំនាក់ទំនងជាមួយនឹងកូនថៅកែផ្សារផេនសល បន្ទាប់មកល្បីថា មានស្នេហ៍ជាមួយនឹងថៅកែឃ្លាំងឡាន និងចុងក្រោយក៏លេចឮស្នេហាជាមួយបុរសឥណ្ឌា ស្របគ្នានឹងចំណងស្នេហ៍បុរសមានងារជាឧកញ៉ា។
តារាសម្តែងវ័យ ២៧ ឆ្នាំ នាង ទឹម រដ្ឋា បានឲ្យដឹងថា ស្របពេលក្រសួងកំពុងមានចំណាត់ការនោះ នាងពិតបារម្ភមែនទែន ព្រោះនាងបានថតរូបបែបស្រើបស្រាលនោះរួចទៅហើយ ហើយកាលដែលនាងខ្លាច ដោយសារតែនាងបានមើលឃើញពីគំរូរបស់តារាចម្រៀង នាង ឆៃលី ដាឡែន រួចហើយដែលក្រោយពេលធ្លាយរូបថតនោះជីវិតសិល្បៈស្ទើរតែសូន្យ។
តារា ដែលធ្លាប់ជាអ្នករត់តុគុយទាវនៅផ្សារសេនជូរីពោធិ៍ចិនតុងរូបនេះ បាននិយាយថា៖«ថាម៉េចបងរូបថតនោះគេបានឃើញ ពេលឮអ៊ីចឹងខ្ញុំខ្លាចណាស់បង ព្រោះពេលនេះក្រសួងកំពុងមានវិធានការក្តៅផង បើបងពិតជាដាក់ផ្សាយរូបនោះមែន ជីវិតសិល្បៈរបស់ខ្ញុំប្រាកដជាចប់ហើយ ខ្ញុំខ្លាចណាស់ ព្រោះយើងមានគំរូ ឆៃលី ដាឡែន ស្រាប់ ពេលនេះជីវិតសិល្បៈរបស់នាងចប់តែម្តង ហើយបើបងយករូបនោះមកចុះ ខ្ញុំក៏ប្រាកដជាចប់ដូច ឆៃលី ដាឡែន ដែរ»។
ទឹម រដ្ឋា បានសុំការយល់យោគពីការបង្ហាញរូបថតជាកំហុសឆ្គងដោយនាងបញ្ជាក់ថា នាងនឹងមិនថតរូបបែបនោះទៀតទេ៕
ប្រភពពី៖ ភ្នំពេញ ប៉ុស្តិ៍
No comments:
Post a Comment