 |
អ្នកព័ត៌មានថតរូបឲ្យទូរទស្សន៍ជាតិកម្ពុជា លោក សេង ចាន់
ដែលត្រូវបានបាតុករដេញចេញ/រូបថតពីហ្វេសប៊ុក |
មន្ត្រីទូរទស្សន៍ជាតិកម្ពុជា ហៅការដេញអ្នកសារព័ត៌មានទូរទស្សន៍រដ្ឋ(ទទក)ចេញពីទីលានប្រជាធិបតេយ្យ
ជាការរើសអើងទៅលើអ្នកសារព័ត៌មាន ដែលកំពុងចាប់អារម្មណ៍ការប្រមូលផ្តុំរបស់គណបក្សសង្គ្រោះជាតិ។
កាលពីព្រឹកម៉ោង១០ ថ្ងៃអង្គារនេះ អ្នកព័ត៌មានថតរូបឲ្យទូរទស្សន៍ជាតិកម្ពុជាម្នាក់ លោក សេង ចាន់ ត្រូវ
បាតុករនាំគ្នារុញច្រានចេញពីទីលានប្រជាធិបតេយ្យ ខណៈលោកកំពុងថតផ្តិតយករូបភាពនៃការប្រមូលផ្តុំ
របស់គណបក្សសង្គ្រោះជាតិ នៅថ្ងៃ១០ធ្នូ ទិវាសិទ្ធិមនុស្សអន្តរជាតិ។ បាតុករ បានចោទថា ទូរទស្សន៍ទទក
ផ្សាយព័ត៌មានមិនពិត ដោយយករូបភាព និងខ្លឹមសារទៅផ្សាយមិនពិត។
អគ្គនាយកទូរទស្សន៍ជាតិ លោក កឹម គុណវឌ្ឍ មានប្រសាសន៍ថា សន្តិសុខ និងអ្នកចូលរួមនៅទីលាន
ប្រជាធិបតេយ្យរបស់គណបក្សសង្គ្រោះជាតិ បានវាយ និងបណ្តេញអ្នកសារព័ត៌មានរបស់ខ្លួន ដោយលោក
ចាត់ទុកទង្វើនេះជាការរើសអើងទៅលើអ្នកសារព័ត៌មាន។
អ្នកសារព័ត៌មានរបស់ទូរទស្សន៍ជាតិ ទទក លោក សេង ចាន់ មានប្រសាសន៍ថា អ្នកចូលរួមនៅលើទីលាន
ប្រជាធិតេយ្យ បានយកដៃវាយក្បាល និងកញ្ចឹងកគាត់ និងគប់ទឹកសុទ្ធ រួចបណ្តេញគាត់មិនឲ្យថតរូប ដោយ
ចោទថា ពួកគាត់មិនដែលផ្សាយចុះផ្សាយ តែត្រូវបានក្រុមសន្តិសុខជួយ។ លោកថា ក្រុមសកម្មជនទាំងនោះ
បានវាយគាត់ចម្ងាយប្រហែលជា១០ម៉ែត្រពី លោក សម រង្ស៊ី តែមិនឃើញមានការអន្តរាគមន៍នោះទេ។ លោក
ថា នៅក្នុងលទ្ធិប្រជាធិតេយ្យ អ្នកសារព័ត៌មានមានសិទ្ធិថត យកព័ត៌មាន តែរឿងការផ្សាយជាសិទ្ធិរបស់
អ្នកសារព័ត៌មាន។
លោក សេង ចាន់ អាយុ៣៤ឆ្នាំ ហើយបានបម្រើការជាអ្នកថតវីដេអូឲ្យទូរទស្សន៍ជាតិចំនួន៤ឆ្នាំមកហើយ។
អនុប្រធានគណកម្មាធិការវិន័យរបស់គណបក្សសង្គ្រោះជាតិ លោក ហូរ វាន់ មានប្រសាសន៍ថា ពិតជាមាន
ការរុញច្រាន និងបណ្តេញអ្នកសារព័ត៌មានពិតមែន ដោយសារតែអ្នកចូលរួមមានការភាន់ច្រឡំ តែមិនមាន
ការវាយធ្ងន់ធ្ងរនោះទេ។
ទាក់ទងនឹងការបណ្តេញអ្នកព័ត៌មានចេញនេះ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ មានប្រសាសន៍
នៅលើហ្វេសប៊ុក ដោយប្រើពាក្យខ្លាំងៗថា៖ «ការទាមទារអោយគេផ្សាយពីខ្លួនដល់ទទក បែរជាអោយ
សន្តិសុខខ្លួនដេញវាយអ្នកយកព័ត៌មានដូចឆ្កែឆ្មា។ អីឡូវនេះ សូមកុំបន្ទោសគេរឿងមិនផ្សាយ។
មិនទាន់កាន់អំណាចផងឬកដូចឆ្កែបានជិះឡាន»។ លោកបន្តថា ដើម្បីធានាសន្តិសុខរបស់មន្ត្រីព័ត៌មាន
ក្រសួងនឹងមិនបញ្ជូនអ្នកយកព័ត៌មានទៅរាល់ការជួបជុំនានារបស់គណបក្សសង្គ្រោះជាតិ លើកលែងតែមាន
ការធានាត្រឹមត្រូវពីថ្នាក់ដឹកនាំរបស់គណបក្សនេះ៕
.jpg)
.jpg)
