ក្រុមមន្រ្តីកម្ពុជា មកពីស្ថាប័ននានារបស់រដ្ឋាភិបាល
នៅព្រឹកថ្ងៃអង្គារនេះ បានទទួលការហ្វឹកហ្វឺន
និងពង្រឹងជំនាញបន្ថែមទៀត លើការគ្រប់គ្រងប្រព័ន្ធហិរញ្ញវត្ថុ
ក្នុងដំណើរឆ្ពោះទៅរកការធ្វើសមាហរណកម្មសេដ្ឋកិច្ចអាស៊ាននាឆ្នាំ
២០១៥។
 |
លោក វង់ វិង្សីវិបុល រដ្ឋលេខាធិការក្រសួងសេដ្ឋកិច្ច
និងហិរញ្ញវត្ថុកម្ពុជា។ រូបភាពដោយ សយ សុភា
(Credit: ABC Licensed) |
ថ្លែងនៅក្នុងវគ្គហ្វឹកហ្វឹន
ដែលមានអ្នកជំនាញការមកពីក្រសួងសេដ្ឋកិច្ច និងហិរញ្ញវត្ថុអាម៉េរិក លោក
វង់ វិង្សីវិបុល រដ្ឋលេខាធិការក្រសួងសេដ្ឋកិច្ច
និងហិរញ្ញវត្ថុកម្ពុជា បានថ្លែងថា
វគ្គហ្វឹកហ្វឺនដែលមានរយៈពេល៤ថ្ងៃនេះ
ពិតជាមានសារៈសំខាន់បំផុតសម្រាប់មន្រ្តីនៅតាមស្ថាប័នរដ្ឋ
នោះក៏ព្រោះតែប្រព័ន្ធនេះត្រូវបានប្រើប្រាស់នៅតាមប្រទេសនានា
នៅអឺរ៉ុប
និងជាពិសេសនៅតាមបណ្តាប្រទេសឯទៀតនៅក្នុងតំបន់អាស៊ានផងដែរ។
បើតាមមន្រ្តីរូបនេះ មន្រ្តីពាក់ព័ន្ធរបស់កម្ពុជា ចាំបាច់ត្រូវចេះ និងស្វែងយល់បន្ថែមលើប្រព័ន្ធហិរញ្ញវត្ថុនេះ។
មន្រ្តីកម្ពុជា ជាច្រើនផ្សេងទៀតក៏បានចូលរួមការហ្វឹកហ្វឺនបែបនេះដែរ។
សមាហរណកម្មអាស៊ានផ្តោតសំខាន់លើសសរស្តម្ភចំនួនបីគឺ សេដ្ឋកិច្ច និងនយោបាយ, សង្គមវប្បធម៌ និងសន្តិសុខតំបន់៕
ប្រភពពី៖ Radio Australia
No comments:
Post a Comment