កម្មករ​រោងចក្រ W&D នៅ​ខណ្ឌ​មានជ័យ ផ្ទេរសិទ្ធិ​ឲ្យ​ សហភាព​ការងារ​កម្ពុជា ដើម្បី​តស៊ូ​មតិ ​ករណី​ថៅកែ​បញ្ឈប់​កម្មករ​ជាង​១ពាន់​នាក់

ម្មករ​រោងចក្រ W&D នៅ​សង្កាត់​ស្ទឹង​មានជ័យ រាជធានី​ភ្នំពេញ នៅ​ថ្ងៃ​ទី៩ ខែ​មករា ឆ្នាំ២០១៩ នាំ​គ្នា​មក​សុំ​អន្តរាគមន៍​ពី​សហភាព​ការងារ​កម្ពុជា​របស់​លោក អាត់ ធន់ ឲ្យ​ជួយ​ដោះ​ស្រាយ​បញ្ហា​ក្រុមហ៊ុន​បញ្ឈប់​កម្មករ​ជាង ១.០០០នាក់។

កម្មករ​រោងចក្រ​ ដាប់ប៊ែលយូ អែន ឌី (W&D) នៅ​ខណ្ឌ​មានជ័យ ជា​ច្រើន​នាក់ ដែល​ថៅកែ​បញ្ឈប់​ពី​ការងារ​ ​បាន​នាំ​គ្នា​​ទៅ​សុំ​ពឹង​ពាក់ ផ្ទេរសិទ្ធិ​ជូន​សហភាព​ការងារ​កម្ពុជា ដើម្បី​តស៊ូ​មតិ​ផ្នែក​ផ្លូវ​ច្បាប់ ជាមួយ​សមាគម​ថៅកែ​រោងចក្រ ក្រសួង​ការងារ និង​ក្រុម​អ្នក​បញ្ជា​ទិញ នៅ​ទីស្នាក់ការ​សហភាព​ការងារ​កម្ពុជា នៅ​សង្កាត់​បឹងទំពុន​ទី​២ ខណ្ឌ​មានជ័យ។