សារខ្លីដែលនាង សុគន្ធ នីសារ ដែលបានបង្ហោះនៅលើទំពរ័ Facebook បានន័យទាំងស្រុងថា សូមបងប្អូនមានចិត្តមេត្តាជួយដល់គាត់ផង ព្រោះគ្រួសារគាត់ក្រណាស់ ( ឥឡូវគាត់នៅព្យាបាលនៅពេទ្យគន្ធបុប្ផាជិតវត្តភ្នំ ) ។ ក្នុងសារបញ្ជាក់ថា ក្មេងប្រុសម្នាក់នេះដើរធ្លាក់ក្នុងរណ្តៅភ្លើងគេដុតចំបើង ហើយគ្មាននរណាឃើញគាត់ធ្លាក់ទេ ទាល់តែគាត់ប្រឹងស្រវេស្រវាចេញពីរណ្តៅនោះដោយខ្លួនឯងមករកទឹកទើបម្តាយឪពុកដឹង។ សភាពក្មេងនេះធ្ងន់ធ្ងររហូតដល់ជិតពិការភ្នែកឯណោះ ។ នៅក្នុងសាររបស់នាង សុគន្ធ នីសារ ក៏បានភ្ជាប់មកជាមួយនូវលេខទូរសព្ទ័របស់ឪពុកក្មេងរងគ្រោះផងដែរដើម្បីងាយស្រួលធ្វើការធ្វើការទំនាក់ទំនងគឺ ០១៥៨៨២៣៦៤។
សូមបញ្ជាក់ថា មានហេតុការណ៍ដ៏រន្ធត់មួយបានកើតឡើងកាលពីថ្ងៃទី២១ ខែវិច្ឆិកា ឆ្នាំ២០១៣ដោយក្មេងប្រុសអាយុ២ឆ្នាំម្នាក់ឈ្មោះ ប៊ុន លៀប ដែលរស់នៅក្រោមបន្ទុករបស់គ្រួសារមានជីវភាពខ្វះខាតមួយនៅភូមិក្រាំងចេក ឃុំចំបក់ ស្រុកភ្នំស្រួច ខេត្តកំពង់ស្ពឺ បានធ្លាក់ចូលទៅក្នុងរណ្តៅដុតចំបើងបណ្តាលអោយឆេះរលាកនៅលើផ្ទៃមុខ ដងខ្លួន និងដៃ ខណៈពេលដែលឪពុកម្តាយចេញទៅច្រូតស្រូវ ហើយទុកអោយកូននៅផ្ទះលេងជាមួយបងប្អូន និងក្មេងៗពីរបីនាក់នៅក្នុងភូមិ ។ ក្រោយពីជួបនូវឧប្បទ្ទវហេតុក្មេងប្រុសម្នាក់នេះត្រូវបានឪពុកម្តាយដឹកយកមកកាន់មន្ទីរពេទ្រដើម្បីធ្វើការជួយសង្គ្រោះបន្ទាន់។
ពេលនេះក្មេងប្រុសរងគ្រោះកំពុងតែសម្រាកព្យាបាលនៅក្នុងមន្ទីរពេទ្យគន្ធបុប្ផា ហើយក៏មានការអំពាវនាវសុំការឧបត្ថម្ភជាថវិកាពីសប្បុរសជននានាផងដែរ ពីសំណាក់ឪពុកម្តាយរបស់ក្មេងរងគ្រោះដើម្បីយកទៅធ្វើការចំណាយលើបញ្ហាខ្វះខាតមួយចំនួនក្នុងអំឡុងពេលសម្រាកព្យាបាល។
គួរអោយកត់សម្គាល់ ក្រោយពីធ្វើការអំពាវនាវស្វែងរកនូវជំនួយមនុស្សធម៌ ពេលនេះខាងក្រុមគ្រួសារក្មេងរងគ្រោះបានទទួលនូវការឧបត្ថម្ភពីសប្បុរសជនមួយចំនួនហើយ ៕
ប្រភពពី៖ ភូមិអច្ឆរិយៈ
No comments:
Post a Comment