 |
| រូបថតដោយអង្គការយូនីសេហ្វ |
កុមារាកម្ពុជាម្នាក់ អាយុ១៣ឆ្នាំ តាមរយៈអង្គការយូនីសេហ្វ ត្រូវបានតែងតាំងឲ្យទទួលពានរង្វាន់កុមារ ដែល
ផលិតវីដេអូភាពយន្ដអន្ដរជាតិល្អជាងគេ។
សេចក្តីប្រកាសព័ត៌មានរបស់យូនីសេហ្វ ឲ្យដឹងថា កុមារម្នាក់នោះ ឈ្មោះ ឈុន សុភ័ក្ត្រា ជាសិស្សរៀនថ្នាក់ទី
៨ មកពីខេត្តព្រៃវែង។ សុភ័ក្ត្រា គ្រោងនឹងធ្វើដំណើរទៅទីក្រុងអាំស្ទ័រដាម(Amsterdam)នៃប្រទេសហូឡង់ក្នុង
សប្ដាហ៍នេះ ដើម្បីទទួលរង្វាន់កុមារផលិតវីដេអូអន្តរជាតិ។អង្គការយូនីសេហ្វ បានប្រកាសថា ឈុន សុភ័ក្ត្រា
ត្រូវបានជ្រើសរើសយ៉ាងសុក្រិតក្នុង ចំណោមកុមារវ័យ១៥ឆ្នាំ ប្រមាណជា៣១៥នាក់។ ពានរង្វាន់នេះ នឹង
ប្រកាសក្នុងកម្មវិធីមួយនៅថ្ងៃទី៣០ខែ វិច្ឆិកានេះ។
វីដេអូភាពយន្ដរបស់សុភ័ក្ត្រា មានចំណងជើងថា(ទឹកផ្លាស់ប្ដូរជីវិត)«Liquid Changes Life»ត្រូវបានដាក់ចូលរួម
ប្រកួតជាមួយរឿងដែលមានចំណងជើងថា(មួយនាទីនៃសន្ដិភាព)«One Minute of Freedom» និងរឿងផ្សេង
ទៀតមកពីប្រទេសវៀតណាម Libya Ukraine និង Armenia។ អ្នកឈ្នះ នឹងទទួលបានHD Flip Camera មួយ។
សុភ័ក្ត្រា បានគោរពតាមលក្ខខណ្ឌនៃការចូលរួម ដោយចាប់ផ្ដើមផលិតវីដេអូ តាំងពីខែវិច្ឆិកា ឆ្នាំ២០១២។
ភាពយន្តរបស់សុភ័ក្ត្រា ដែលមានរយៈពេល១នាទីនេះ និយាយពីកុមាររស់នៅក្នុងជីវភាពខ្វះខាតនៅកម្ពុជា
ក្រោមអាយុ១២១៧ឆ្នាំ ក្រោមការៀបចំឧបត្ថម្ភដោយអង្គការយូនីសេហ្វ និងSave the Cambodia។
នៅក្នុងសេចក្តីប្រកាសព័ត៌មាន សុភ័ក្ត្រា បាននិយាយថា៖«.....ខ្ញុំមានអារម្មណ៍រំភើបខ្លាំងណាស់ ម្ដាយរបស់ខ្ញុំ
កំពុងជួយរៀបចំឥវ៉ាន់ ខោអាវ ស្បែកជើងឲ្យខ្ញុំ ព្រោះនៅប្រទេសគេត្រជាក់ណាស់ ខ្ញុំរៀបចំរួចរាល់ ហើយ និង
មិត្តភត្តិរួមថ្នាក់មានមោទនភាពណាស់ចំពោះខ្ញុំ»។
លោក ឈុន ហៃ ឪពុករបស់កុមារា ឈុន សុភ័ក្ត្រា ដែលអមដំណើរកូនរបស់គាត់ទៅក្រៅប្រទេស បង្ហាញនូវ
អារម្មណ៍រីករាយថា៖«ខ្ញុំ មានមោទនភាពចំពោះកូនខ្ញុំ ព្រោះគាត់ត្រូវបានជ្រើសរើសមួយគត់ ខ្ញុំរីករាយ
ខ្លាំងណាស់ គាត់មិនត្រឹមតែកុមារតំណាងខេត្តព្រៃវែងទេ ថែមទាំងតំណាងកុមារទូទាំងប្រទេសកម្ពុជា»៕
ប្រភពពី៖ VOD
No comments:
Post a Comment