 |
| សកម្មជនប្រឆាំងរដ្ឋាភិបាលថៃ ធ្វើបាតុកម្មនៅថ្ងៃអាទិត្យ២៤វិច្ឆិកា នេះ នៅកណ្តាលក្រុងបាងកក។REUTERS/Chaiwat Subprasom |
នៅប្រទេសថៃ ថ្ងៃអាទិត្យនេះ សកម្មជនក្រុមប្រឆាំងរដ្ឋាភិបាលនិងបណ្តាជនអាវក្រហមដែលគាំទ្រនាយករដ្ឋមន្ត្រីយីងឡាក់ បាននាំគ្នាដង្ហែក្បួនបាតុកម្មនៅតាមផ្លូវជាច្រើនកន្លែង ក្នុងក្រុងបាងកក។ អាជ្ញាធរគិតថា មានមនុស្សយ៉ាងហោចណាស់ក៏៥ម៉ឺននាក់ដែរ ក្នុងក្បួនបាតុកម្មទាំងនេះ។ រីឯខាងអ្នករៀបចំបាតុកម្មវិញ គិតថាមានមនុស្សប្រមាណជា១សែននាក់ នៅរសៀលថ្ងៃអាទិត្យនេះ។ ប៉ូលិសប្រាប់ថា មានត្រឹមតែ៣ម៉ឺននាក់ប៉ុណ្ណោះ។ បាតកម្មទាំងនេះបានធ្វើឡើង ក្នុងពេលដែលនយោបាយថៃកំពុងជួបស្ថានភាពតានតឹង។
នៅប្រទេសថៃ ជាច្រើនសប្តាហ៍មកនេះ ក្រុមបាតុករប្រឆាំងរដ្ឋាភិបាលលោកស្រីយីងឡាក់ និងក្រុមបាតុករអាវក្រហមដែលគាំទ្ររដ្ឋាភិបាលថៃ តែងនាំគ្នាហែក្បួនបាតុកម្មយ៉ាងទៀងទាត់ នៅក្រុងបាងកក ធ្វើអោយថៃប្រឈមមុខនឹងស្ថានភាពតានតឹង។ បាតុករអាវក្រហមបានជួបជុំគ្នានៅពហុកីឡាដ្ឋាន ដូចរាល់ដងដែរ។
នៅថ្ងៃអាទិត្យនេះ បាតុកម្មរបស់សកម្មជនមកពីនិន្នាការនយោបាយពីរផ្ទុយគ្នានេះ មានលក្ខណៈគួរអោយកត់សម្គាល់ ព្រោះថា មនុស្សដែលចូលរួមមានដល់ទៅរាប់ម៉ឺននាក់។ បាតុករទាំងនេះសន្យាថា នឹងស្ថិតនៅទីកន្លែងបាតុកម្មក្រុមខ្លួនពេញមួយយប់ថ្ងៃអាទិត្យនេះ។ គិតចាប់ពីឆ្នាំ២០១០មក បាតុកម្មទាំងអស់នេះ គឺជាបាតុកម្មសំខាន់បំផុត ។ ហើយក៏សំខាន់ណាស់ដែរ បើគិតចាប់ពីពេលមានរដ្ឋប្រហារទំលាក់អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា មក។ អំពើហិង្សាក្នុងបាតុកម្មនៅក្រុងបាងកក ឆ្នាំ២០១០ បានសម្លាប់មនុស្សជាង៩០នាក់។
ចាប់ពីពេលដែលថៃបានក្លាយជារាជាណាចក្រអាស្រ័យរដ្ឋធម្មនុញ្ញក្នុងឆ្នាំ១៩៣២មក ថៃបានរងនូវការប៉ុនប៉ងធ្វើរដ្ឋប្រហារ រឺក៏រដ្ឋប្រហារ ១៨លើកមកហើយ។ បាតុកម្មនៅថ្ងៃអាទិត្យនេះ ធ្វើអោយថៃបន្តធ្លាក់ក្នុងស្ថានភាពតានតឹងថែមទៀត។ នៅសប្តាហ៍នេះ តុលាការធម្មនុញ្ញថៃ ទើបបានទាត់ចោលនូវគំរោងវិសោធនកម្មច្បាប់របស់គណបក្សកាន់អំណាច ដែលចង់អោយការជ្រើសរើសសមាជិកព្រឹទ្ធសភាគ្រប់រូប ត្រូវឆ្លងកាត់តាមរយៈការបោះឆ្នោតជាមុនសិន។ នៅប្រទេសថៃ សមាជិកព្រឹទ្ធសភាមួយចំនួន បានចូលកាន់អំណាចតាមរយៈការតែងតាំង ពោលគឺមិនបានឆ្លងកាត់ការបោះឆ្នោតនោះទេ។
ដោយឡែក ព្រឹទ្ធសភាថៃក៏បានទាត់ចោលនូវច្បាប់លើកលែងទោសរបស់រដ្ឋាភិបាលផងដែរ។ ច្បាប់នេះជាច្បាប់ដែលក្រុមប្រឆាំងបរិហាររិះគន់ខ្លាំងក្លា ព្រោះពួកគេគិតថា ជាច្បាប់ដែលនាំអោយអតីតនាយករដ្ឋមន្ត្រីថៃ ថាក់ស៊ីន ដែលកំពុងភៀសខ្លួននៅក្រៅប្រទេសនោះ អាចវិលត្រលប់ចូលប្រទេសថៃវិញបាន។ គំរោងវិសោធនកម្មច្បាប់ និងគំរោងច្បាប់លើកលែងទោសរបស់រដ្ឋាភិបាលលោកស្រីយីងឡាក់ បានជួបបរាជ័យ ប៉ុន្តែមិនបានធ្វើអោយបាតុករក្រុមប្រឆាំងស្ងប់ចិត្តនោះទេ។ ក្រុមប្រឆាំងនៅតែបន្តគ្រប់មធ្យោបាយ ដើម្បីជំរុញអោយនាយករដ្ឋមន្ត្រីថៃប្រកាសការបោះឆ្នោតមុនពេលកំណត់៕
ចាប់ពីពេលដែលថៃបានក្លាយជារាជាណាចក្រអាស្រ័យរដ្ឋធម្មនុញ្ញក្នុងឆ្នាំ១៩៣២មក ថៃបានរងនូវការប៉ុនប៉ងធ្វើរដ្ឋប្រហារ រឺក៏រដ្ឋប្រហារ ១៨លើកមកហើយ។ បាតុកម្មនៅថ្ងៃអាទិត្យនេះ ធ្វើអោយថៃបន្តធ្លាក់ក្នុងស្ថានភាពតានតឹងថែមទៀត។ នៅសប្តាហ៍នេះ តុលាការធម្មនុញ្ញថៃ ទើបបានទាត់ចោលនូវគំរោងវិសោធនកម្មច្បាប់របស់គណបក្សកាន់អំណាច ដែលចង់អោយការជ្រើសរើសសមាជិកព្រឹទ្ធសភាគ្រប់រូប ត្រូវឆ្លងកាត់តាមរយៈការបោះឆ្នោតជាមុនសិន។ នៅប្រទេសថៃ សមាជិកព្រឹទ្ធសភាមួយចំនួន បានចូលកាន់អំណាចតាមរយៈការតែងតាំង ពោលគឺមិនបានឆ្លងកាត់ការបោះឆ្នោតនោះទេ។
ដោយឡែក ព្រឹទ្ធសភាថៃក៏បានទាត់ចោលនូវច្បាប់លើកលែងទោសរបស់រដ្ឋាភិបាលផងដែរ។ ច្បាប់នេះជាច្បាប់ដែលក្រុមប្រឆាំងបរិហាររិះគន់ខ្លាំងក្លា ព្រោះពួកគេគិតថា ជាច្បាប់ដែលនាំអោយអតីតនាយករដ្ឋមន្ត្រីថៃ ថាក់ស៊ីន ដែលកំពុងភៀសខ្លួននៅក្រៅប្រទេសនោះ អាចវិលត្រលប់ចូលប្រទេសថៃវិញបាន។ គំរោងវិសោធនកម្មច្បាប់ និងគំរោងច្បាប់លើកលែងទោសរបស់រដ្ឋាភិបាលលោកស្រីយីងឡាក់ បានជួបបរាជ័យ ប៉ុន្តែមិនបានធ្វើអោយបាតុករក្រុមប្រឆាំងស្ងប់ចិត្តនោះទេ។ ក្រុមប្រឆាំងនៅតែបន្តគ្រប់មធ្យោបាយ ដើម្បីជំរុញអោយនាយករដ្ឋមន្ត្រីថៃប្រកាសការបោះឆ្នោតមុនពេលកំណត់៕
ប្រភពពី៖ ខេមរភាសា
No comments:
Post a Comment