រកឃើញ​ថ្ម​មានតម្លៃ​ដ៏​ធំ​ទម្ងន់ ៥០ តោន នៅ​មី​យ៉ាន់​ម៉ា​

កាលពី​ថ្ងៃទី​២១ កុម្ភៈ រដ្ឋ​ភិ​បាល​មី​យ៉ាន់​ម៉ា បានប្រកាស​ឲ្យ​ដឹងថា ពួកគេ​ទើប​រកឃើញ​ថ្ម​មានតម្លៃ​ដ៏​ធំ​សម្បើម​

១​ដុំ ទម្ងន់ ៥០ តោន ស្ថិតនៅ​កណ្តាលវាល​នា​តំបន់​១ ប៉ែក​ខាងជើង​នៃ​ប្រទេស​នេះ ហើយ​ពួកគេ​បាន​ចាត់​

ពលទាហាន​ជាច្រើន ទៅ​ការពារ​នៅ​ទីនោះ ។​

​ដុំថ្ម​មានតម្លៃ​ដ៏​ធំ​នេះ ត្រូវបាន​ក្រុម​ជីក​កកាយ​ថ្ម​នៅ​តំបន់​នោះ រកឃើញ​ក្នុង​កន្លែង​សម្បូរ​ថ្ម​មានតម្លៃ នា 

Hpakant មុននេះ​១​សប្តាហ៍ ប៉ុន្តែ ដោយ​វា​អណ្តែត​ពាក់កណ្តាល​លើដី ហេតុនេះ ពួកគេ​ពុំ​អាច​ដឹងបាន​ពី​ទំហំ​

ពិតប្រាកដ​របស់​វា ។​

​លោក Lajun Ngan Seng អភិបាលខេត្ត Kachin ឲ្យ​ដឹងថា អ្នកជំនាញការ​បានគ​ណ​នា​ឃើញ​ថ្ម​ដ៏​ធំ​នេះ មាន​

ទំហំ​ដល់​ទៅ ៥,៥ ម៉ែត្រ ហើយ​មាន​ទម្ងន់​ដល់​ទៅ ៥០ តោន ឯណោះ ។​

​អភិបាល​រូបនេះ បាន​បង្ហើប​ឲ្យ​ដឹងថាៈ ដុំថ្ម​មានតម្លៃ​បច្ចុប្បន្ន ត្រូវបាន​ពលទាហាន​ការពារ ហើយ​ក្រោយ​

ពេលធ្វើ​កំណាយ​វា​ចប់សព្វគ្រប់ យើងខ្ញុំ​នឹង​សម្រេចចិត្តថា​តើ​ត្រូវធ្វើ​បែបណា​ជាមួយ​វា ។​

​គួររម្លឹកថា តំបន់​សម្បូរ​ថ្ម​មានតម្លៃ Kachin ជាទី​ប្រយុទ្ធ​ដណ្តើម​គ្នា​យ៉ាង​ស្វិតស្វាញ រវាង​កងទ័ព​រដ្ឋាភិបាល 

ជាមួយ​ទ័ព​បះបោរ គឺ​កងកម្លាំង Kachin ឯករាជ្យ ។​

​លោក Dwut Lar បុព្វ​ជិត​ម្នាក់​រស់នៅ​តំបន់​នោះ ហើយ​មាន​ទំនាក់ទំនង​នឹង​ក្រុម​បះបោរ ឲ្យ​ដឹងថា រដ្ឋាភិបាល​

កំពុង​ចរាចរ​ពី​វី​ធី​បែងចែក​ផល​ជាមួយ​ក្រុម​ទ័ព​បះបោរ ហើយ​រដ្ឋាភិបាល​បាន​ផ្តើមគំនិត​ចែក​ឲ្យ​ក្រុម​នេះ 

១០% នៃ​តម្លៃ​សរុប ប៉ុន្តែ ក្រុម​បះបោរ​បាន​បដិសេធ ព្រោះ​វា​ទាប​ពេក ៕​

ប្រភពពី៖ ខ្មែរស្ថាបនា