ព្រះមហាក្សត្រ ព្រះបាទសម្តេចនរោត្តម សីហមុនី នឹងយាងចូលរួមព្រះរាជពិធីសំពះព្រះខែ និងអកអំបុកនៅក្នុងព្រះទីនាំងទេវាវិនិច្ឆ័យ នៅម៉ោង១០យប់ថ្ងៃអាទិត្យនេះ ជាថ្ងៃទី២នៃពិធីបុណ្យអុំទូក។
តាមសេចក្តីជូនដំណឹងរបស់ព្រះបរមរាជវាំង បានឲ្យដឹងថា នៅម៉ោង១០យប់នេះ ព្រះមហាក្សត្រ ព្រះបាទសម្តេចនរោត្តម សីហមុនី នឹងយាងចូលរួមផ្ទាល់ក្នុងព្រះរាជពិធីសំពះព្រះខែ និងអកអំបុក។
តាមកម្មវិធីនៅម៉ោង៩ និង៣៥នាទី ជួបជុំព្រះរាជវង្សានុវង្ស និងនាហ្មីនសព្វមុខមន្ត្រី ក្រសួងព្រះបរមរាជវាំង លុះដល់ម៉ោង១០យប់ ព្រះមហាក្សត្រយាងដល់។
កម្មវិធីមានដូចជា ព្រះរាជពិធីថ្វាយគ្រឿងសក្ការបូជា និងសំពះព្រះខែ នមស្សការព្រះរតនត្រ័យ អ្នកឧកញ៉ាភក្តីព្រះសម្តេចប្រកាសបួងសួង និងថ្វាយតង្វាយ និងព្រះរាជពិធីសម្រក់ ទៀតជានិមិត្តរូប តំណាងខេត្ត-ក្រុងទូទាំងព្រះរាជាណាចក្រកម្ពុជាជាដើម៕
ប្រភពពី៖ ខេមបូឌាផេក
No comments:
Post a Comment