 |
| លោកប្រធានាធិបតីភូមា ថេន សេន
Thein Sein/ Reuters
|
នៅថ្ងៃព្រហស្បតិ៍ ទី២១ វិច្ឆិកានេះ រដ្ឋាភិបាលនៃប្រទេសភូមាបានច្រានចោលសំណើរបស់អង្គការសហប្រជាជាតិក្នុងការផ្តល់សញ្ជាតិភូមាឲ្យក្រុមជនជាតិភាគតិចរ៉ូហ៊ីងយ៉ាអ្នកកាន់សាសនាអ៊ីស្លាម។ ក្រុមជនជាតិភាគតិចរ៉ូហ៊ីងយ៉ាដែលត្រូវបានអង្គការសហប្រជាជាតិចាត់ទុកជាជនជាតិភាគតិចដែលបានទទួលរងការគាបសង្កត់ខ្លំាងជាងគេក្នុងលោក។
គឺតាមរយៈបណ្តាញសង្គម Facebook ដែលរដ្ឋាភិបាលភូមាបានបញ្ចេញប្រតិកម្មឆ្លើយតបនឹងការទាមទាររបស់អង្គកាសហប្រជាជាតិ។ « យើងមិនអាចផ្តល់សញ្ជាតិភូមាទៅឲ្យអ្នកណាដែលមិនគោរពច្បាប់របស់ប្រទេសភូមាទេ នោះបើទោះបីជាមានសំណូមពររបស់សហគមន៍អន្តរជាតិក៏ដោយ » នេះជាការបញ្ជាក់របស់អ្នកនំាពាក្យវិមានប្រធានាធិបតីភូមាលោក Ye Htut។
សូមជម្រាបជូនថា កាលពីថ្ងៃអង្គារដើមសប្តាហ៍នេះ អង្គការសហប្រជាជាតិបានចេញសេចក្តីសម្រេចចិត្តមួយដោយបានអំពាវនាវរដ្ឋាភិបាលភូមាឲ្យយល់ព្រមផ្តល់សញ្ជាតិភូមាទៅឲ្យក្រុមជនជាតិភាគតិចរ៉ូហ៊ីងយ៉ា និងឲ្យបញ្ឈប់ការតាមធ្វើទុក្ខបុកម្នេញលើពួកនេះ។ ក៏ប៉ុន្តែ រដ្ឋាភិបាលទីក្រុងណៃពីដ៏បានបដិសេធ និងថែមទំាងមិនបានឯកភាពលើពាក្យ « រ៉ូហ៊ីងយ៉ា » ដែលផ្តល់ដោយអង្គការសហប្រជាជាតិសម្រាប់ហៅក្រុមជនជាតិភាគតិចអ្នកកាន់សាសនាអ៊ីស្លាមនោះទៀត។ ភូមាបានហៅពួកនេះថា « បេនហ្គាលី » ពោលគឺជាពួកអន្តោប្រវេសន៍ខុសច្បាប់មកពីប្រទេសបង់ក្លាដែស។
គួររម្លឹកជូនថា ក្នុងចំណោមប្រជាជនរ៉ូហ៊ីងយ៉ាប្រមាណជា ៨០០ ០០០នាក់ដែលកំពុងរស់នៅក្នុងទឹកដីភូមាបច្ចុប្បន្ន មានភាគច្រើនកំពុងមានជីវិភាពលំបាកលំបិន និងស្នាក់នៅក្នុងជំរំជនភៀសខ្លួនក្នុងរដ្ឋរ៉ាក់ឃីនស្ថិតប៉ែកខាងលិចប្រទេស។ ម្យ៉ាងទៀត ពួកអ្នកកាន់សាសនាអ៊ីស្លាមមួយក្រុមនេះក៏បានទទួលរងការធ្វើបាបពីសំណាក់អ្នកកាន់សាសនាព្រះពុទ្ធដែលមានចំនួនភាគច្រើននៅក្នុងប្រទេសភូមា។ អំពើហិង្សារវាងសហគមន៍អ្នកកាន់សាសនាទំាងពីរតែងតែបានផ្ទុះឡើងជារឿយៗ និងប្រកបដោយហិង្សាទៀតផង។
យ៉ាងណាក៏ដោយ អ្នកនំាពាក្យរបស់លោកប្រធានាធិបតិភូមាថេន សេនបានបញ្ជាក់នៅថ្ងៃនេះថា រដ្ឋាភិបាលអាចនឹងផ្តល់សញ្ជាតិភូមាទៅឲ្យពួករ៉ូហ៊ីងយ៉ាណាដែលឆ្លើយតបនឹងលក្ខខណ្ឌដែលមានចែងក្នុងច្បាប់ពលរដ្ឋក្នុងឆ្នំា ១៩៨២។ តែអ្នកនំាពាក្យរូបនោះមិនបានលំអិតអំពីលក្ខខណ្ឌទំាងនោះឡើយ។
គួរបញ្ជាក់ថា មកទល់ពេលនេះ រដ្ឋាភិបាលភូមាបានទទួលស្គាល់ និងគ្រោងដាក់បញ្ចូលជាចំនួនប្រជាជនរបស់ខ្លួននាការធ្វើជំរឿនប្រជាជនក្នុងឆ្នំា ២០១៤ ខាងមុខ នូវ ១៣៥ជនជាតិភាគតិចខុសគ្នា តែមិនមានវត្តមានពួករ៉ូហ៊ីងយ៉ាទេ៕
គួររម្លឹកជូនថា ក្នុងចំណោមប្រជាជនរ៉ូហ៊ីងយ៉ាប្រមាណជា ៨០០ ០០០នាក់ដែលកំពុងរស់នៅក្នុងទឹកដីភូមាបច្ចុប្បន្ន មានភាគច្រើនកំពុងមានជីវិភាពលំបាកលំបិន និងស្នាក់នៅក្នុងជំរំជនភៀសខ្លួនក្នុងរដ្ឋរ៉ាក់ឃីនស្ថិតប៉ែកខាងលិចប្រទេស។ ម្យ៉ាងទៀត ពួកអ្នកកាន់សាសនាអ៊ីស្លាមមួយក្រុមនេះក៏បានទទួលរងការធ្វើបាបពីសំណាក់អ្នកកាន់សាសនាព្រះពុទ្ធដែលមានចំនួនភាគច្រើននៅក្នុងប្រទេសភូមា។ អំពើហិង្សារវាងសហគមន៍អ្នកកាន់សាសនាទំាងពីរតែងតែបានផ្ទុះឡើងជារឿយៗ និងប្រកបដោយហិង្សាទៀតផង។
យ៉ាងណាក៏ដោយ អ្នកនំាពាក្យរបស់លោកប្រធានាធិបតិភូមាថេន សេនបានបញ្ជាក់នៅថ្ងៃនេះថា រដ្ឋាភិបាលអាចនឹងផ្តល់សញ្ជាតិភូមាទៅឲ្យពួករ៉ូហ៊ីងយ៉ាណាដែលឆ្លើយតបនឹងលក្ខខណ្ឌដែលមានចែងក្នុងច្បាប់ពលរដ្ឋក្នុងឆ្នំា ១៩៨២។ តែអ្នកនំាពាក្យរូបនោះមិនបានលំអិតអំពីលក្ខខណ្ឌទំាងនោះឡើយ។
គួរបញ្ជាក់ថា មកទល់ពេលនេះ រដ្ឋាភិបាលភូមាបានទទួលស្គាល់ និងគ្រោងដាក់បញ្ចូលជាចំនួនប្រជាជនរបស់ខ្លួននាការធ្វើជំរឿនប្រជាជនក្នុងឆ្នំា ២០១៤ ខាងមុខ នូវ ១៣៥ជនជាតិភាគតិចខុសគ្នា តែមិនមានវត្តមានពួករ៉ូហ៊ីងយ៉ាទេ៕
ប្រភពពី៖ ខេមរភាសា
No comments:
Post a Comment