I love khmer news: ត្រីរាប់សិបតោនងាប់អណ្តែតទ្រៀបត្រាពេញផ្ទៃបឹង ដោយពុលនឹងសារធាតុគីមីឧស្សាហកម្ម

ព្យុះហៃយ៉ានបានចាកចេញ ពីហ្វីលីពីនរួចហើយ ហើយបានកាត់តាមសមុទ្រចិនខាងត្បូង និងត្រូវទៅដល់វៀតណាមនៅព្រឹកថ្ងៃចន្ទស្អែកនេះ។ អាជ្ញាធរវៀតណាមបានជម្លៀសមនុស្សជាង៦សែននាក់ រួចហើយ។ មុនព្យុះនេះមកដល់ មានមនុស្ស៦នាក់បានស្លាប់ដោយសារខ្យល់បោកបក់ខ្លាំង នៅភាគកណ្តាលវៀតណាម។ ដោយឡែក ចំនួនអ្នកស្លាប់នៅហ្វីលីពីនដោយសារព្យុះនេះ បានកើនឡើងខ្ពស់ រហូតជាងមួយម៉ឺននាក់ ហើយពីរពាន់នាក់ទៀតបានបាត់ខ្លួន។

ព្យុះហៃយ៉ានត្រូវធ្វើដំណើរទៅដល់វៀតណាម នៅព្រឹកថ្ងៃចន្ទស្អែកនេះហើយ។ អាជ្ញាធរវៀតណាមបានជម្លៀសមនុស្សរាប់សែននាក់ និងបានអនុញ្ញាតអោយប្រជាជន២សែននាក់ បានត្រលប់ទៅផ្ទះរបស់ពួកគេវិញ ព្រោះថា ព្យុះហៃយ៉ានបានប្រែទិសនៃការធ្វើដំណើរ ខុសពីការព្យាករណ៍ទុក។

នៅពេលឆ្លងកាត់សមុទ្រចិនខាងត្បូង ព្យុះហៃយ៉ានបានបន្ថយឥទ្ធិពលខ្លួនមួយកម្រិត។ ព្យុះនេះនឹងទៅដល់វៀតណាមនៅព្រឹកថ្ងៃស្អែក គឺខុសពីការព្យាករណ៍ពីដំបូង ដែលថាព្យុះហៃយ៉ានត្រូវមកដល់វៀតណាមនៅព្រឹកថ្ងៃអាទិត្យនេះ។ ផ្នែកឧតុនិយមវៀតណាមប្រាប់ថា ពេលដែលមកដល់វៀតណាមស្អែកនេះ ព្យុះនេះនឹងស្ថិតនៅក្នុងគ្រោះមហន្តរាយចំណាត់ថ្នាក់ទី១ប៉ុណ្ណោះ គឺថាល្បឿនខ្យល់មានត្រឹមតែ៧៤គីឡូម៉ែត្រក្នុងមួយម៉ោង ខុសឆ្ងាយពីល្បឿន៣០០គីឡូម៉ែត្រដែលព្យុះនេះបានបង្កនៅហ្វីលីពីន។

ចំនួនអ្នកស្លាប់ដោយមហន្តរាយព្យុះហៃយ៉ាននៅហ្វីលីពីនមានការកើនឡើង ខ្ពស់។ អង្គការសហប្រជាជាតិប្រាប់ថា មនុស្សប្រមាណជាងបួនលាននាក់ នៅហ្វីលីពីនបានរងផលប៉ះពាល់ដោយព្យុះនេះ។ គណៈកម្មការអឺរ៉ុបបានប្រកាសផ្តល់ជំនួយ៣លានអឺរ៉ូ ជួយដល់ហ្វីលីពីន។ ចំណែកអង្គការចំណីអាហារពិភពលោកអង់គ្លេស ក៏បានបញ្ជូនអាហារ និងសម្ភារៈមួយចំនួនជួយជនរងគ្រោះហ្វីលីពីនផងដែរ។ អង្គការប្រយុទ្ធភាពអត់ឃ្លាននៅបារាំងបានអំពាវនាវរកជំនួយជួយជនរងគ្រោះ ដោយព្យុះហៃយ៉ាន។ ហើយអង្គការសហប្រជាជាតិតាមរយៈ អាមេរិក អូស្ត្រាលី និងនូវេលហ្សេឡង់ ក៏កំពុងតែធ្វើសកម្មភាពជួយជនរងគ្រោះផងដែរ៕

ប្រភពពី៖ ខ្មែរស្ថាបនា