ប្រភពពីបរទេសនាពេលថ្មីៗនេះបានបង្ហាញនូវភាពភ្ញាក់ផ្អើល មួយ ខណៈដែលគេបានជួបប្រទះសត្វមឹកយក្សមួយដែលមានប្រវែងរហូតដល់៤៩ ម៉ែត្រ កាលពីថ្ងៃទី១០ មករា ២០១៤ នៅឯឆ្នេរសមុទ្រ Santa Monica ក្នុងទីក្រុង Los Angeles សហរដ្ឋអាមេរិក ។ នេះជាលើកទីមួយនៅលើពិភពលោកដែលគេបានរកឃើញសត្វមឹកដែលមាន ប្រវែងវែងបែបនេះ ។ រូបភាពមឹកយក្សត្រូវបានគេបង្ហោះនៅលើបណ្តាញហ្វេសប៊ុកតែក្នុង រយៈពេលមួយថ្ងៃប៉ុណ្ណោះ គឺមានអ្នកពេញចិត្ត (Like) រហូតដល់៥០០.០០០នាក់ និងមានការផ្សព្វផ្សាយចែកចាយបន្តៗគ្នាជាច្រើន ។
ប្រភពដដែលបានបង្ហាញឱ្យដឹងទៀតថា «មឹកយក្សនេះ ត្រូវបានអ្នកស្រុកប្រទះឃើញនៅឯឆ្នេរសមុទ្រ Santa Monica ហើយមានមនុស្សជាច្រើនបានទៅចោមរោមមើលមឹកយក្សដែលកំពុងដេក នៅហ្នឹងថ្កល់មួយកន្លែង ។ ភ្លាមៗនោះអ្នកស្រុកក៏បានយកដំណឹងដ៏គួរឱ្យភ្ញាក់ផ្អើលនេះ រាយការណ៍ដល់អាជ្ញាធរដែនដីផងដែរ ។ បន្ទាប់មកមានអាជ្ញាធរ និងក្រុមអ្នកវិទ្យាសាស្ត្រទៅដល់ឆ្នេរសមុទ្រ Santa Monica ដើម្បីទៅមើលដោយផ្ទាល់នៅ ។ ក្រោយពីពិនិត្យដឹងថា មឹកយក្សនៅរស់រានមានជីវិត ក្រុមអ្នកវិទ្យាសាស្ត្រក៏បានដឹកយកទៅរក្សាទុកនៅក្នុងមន្ទីរ ពិសោធន៍ ព្រមទាំងតាមដានសុខភាពរបស់វាដោយយកចិត្តទុកដាក់»។
បើតាមសម្តីរបស់បុគ្គលិកម្នាក់ដែលធ្វើការនៅវិទ្យាស្ថាន ស្រាវជ្រាវ Scripps Research បានប្រាប់ឱ្យដឹងថា «មឹកយក្សនៅពេលនេះ មានសុខភាពមិនសូវល្អទេ ហើយប្រហែលជាមឹកយក្សមានជំងឺ ទើបបានជាវាមកនៅលើគោកបែបនេះ ។ តែទោះបីជាយ៉ាងណាក៏ដោយ ក៏ពួកគាត់នឹងខិតខំព្យាបាលមឹកយក្សឱ្យជាសះស្បើយ និងឱ្យមានសុខភាពល្អជាធម្មតាឡើងវិញ ។ បន្ទាប់ពីមឹកយក្សមានសុខភាពល្អប្រសើរ ក្រុមអ្នកវិទ្យាសាស្ត្រសម្រេចចិត្តថា នឹងយកវាឱ្យរស់នៅក្នុងសមុទ្រ Santa Monica វិញ ដើម្បីឱ្យវាមានលទ្ធភាពទៅបន្តពូជនូវប្រភេទមឹកយក្ស
ប្រភពពី៖ bigfamily
No comments:
Post a Comment