 |
លោក សម រង្ស៊ី ប្រធានគណបក្សសង្គ្រោះជាតិ ក្នុង
សន្និសីទកាសែតកាលពីថ្ងៃ០២ កញ្ញា ២០១៣។
RFI/Im Rachna
|
គណបក្សសង្គ្រោះជាតិបានបើកធ្វើ សន្និសីទកាសែតមួយភ្លាម នៅរសៀលថ្ងៃអាទិត្យទី៨កញ្ញា ដោយបដិសេធមិនទទួលស្គាល់លទ្ធផលបោះឆ្នោតឡើយ។ ការប្រកាសមិនទទួល ស្គាល់លទ្ធផលនៃការបោះឆ្នោតនេះ ធ្វើឡើងភ្លាមៗ បន្ទាប់ពី គណៈកម្មាធិការជាតិរៀបចំការបោះឆ្នោត ប្រកាសលទ្ធផលផ្លូវការនៃការ បោះឆ្នោត កាលពីព្រឹកថ្ងៃអាទិត្យទី៨កញ្ញា។
ស្ថានការណ៍នយោបាយនៅកម្ពុជាកំពុងដើរទៅរកវិបត្តិនយោបាយ
ក្រោយការបោះឆ្នោតអាណត្តិទី៥ឆ្នាំ២០១៣នេះហើយ។
វិបត្តិនយោបាយក៏ព្រោះតែគណបក្សជាប់ឆ្នោតក្នុងសភាគឺគណបក្សសង្គ្រោះ
ជាតិ បានប្រកាន់គោលជំហរដាច់អហង្ការថា
មិនទទួលស្គាល់សោះឡើយនូវលទ្ធផលបោះឆ្នោតរបស់ គ ជ ប
និងមិនចូលរួមរួមប្រជុំសភាដំបូងផងដែរ។
ក្នុងសន្និសីទសារព័ត៌មានយ៉ាងប្រញាប់ប្រញាល់មួយនៅរសៀលថ្ងៃអាទិត្យ ក្រោយការប្រកាសលទ្ធផលឆ្នោតជាផ្លូវការរបស់ គ ជ ប ។ លោក សម រង្ស៊ី ប្រធានគណបក្សប្រឆាំងបានប្រកាស ជំទាស់ទៅនឹងលទ្ធផលផ្លូវការនេះ ដោយលោកបានអះអាងថា ជាលទ្ធផលដែលមិនឆ្លុះបញ្ចាំងពីឆន្ទៈពិតប្រាកដរបស់ប្រជាពលរដ្ឋជា ម្ចាស់ឆ្នោតនោះឡើយ។ ហើយគណបក្សប្រឆាំងមួយនេះ នឹងធ្វើមហាបាតុកម្មជាថ្មី។
បើតាមលោក កឹម សុខា អនុប្រធានគណបក្សសង្គ្រោះជាតិ មហាបាតុកម្មនឹងចាប់ផ្តើមនៅថ្ងៃទី១៥ ខែកញ្ញា ខាងមុននេះ ហើយអាចនឹងបន្តយូរថ្ងៃតទៅមុខទៀត រហូតដល់មានដំណោះស្រាយ។ ជាមហាបាតុកម្មដែលគណបក្សប្រឆាំងមួយនេះព្រមានថា មានលក្ខណៈទ្រង់ទ្រាយធំ អាចមានការបោះជំរុំនៅហ្នឹងកន្លែង ឫក៏ដើរក្បួនជាដើម ដោយយោងទៅតាមស្ថានភាពជាក់ស្តែង។
គោលបំណងនៃការធ្វើមហាបាតុកម្មជាថ្មីរបស់គណបក្សប្រឆាំងមួយនេះ គ្មានអ្វីក្រៅតែពីការទទូចទាមទារឲ្យមានការបង្កើតគណៈកម្មាចម្រុះ ឯករាជមួយ ដើម្បីស៊ើបអង្កេតលើលទ្ធផលបោះឆ្នោតនោះឡើយ។
ការប្រកាសធ្វើមហាបាតុកម្មជាថ្មីរបស់គណបក្សសង្គ្រោះជាតិនៅពេលនេះ បានធ្វើឲ្យស្ថានការនយោបាយកម្ពុជា ហាក់ដូចជាធ្លាក់ទៅរកវិបត្តិនយោបាយធ្ងន់ធ្ងរបន្តទៀត។ ជាវិបត្តិនយោបាយ ដែលថា្នក់ដឹកនាំគណបក្សសង្គ្រោះជាតិ បានប្រកាសថា គណបក្សប្រឆាំងមួយនេះ ក៏នឹងមិនចូលរួមប្រជុំសភាលើកដំបូងក្រោមព្រះរាជអធិបតីភាពរបស់ ព្រះមហាក្សត្រ។ ការប្រជុំសភាដំបូងដែលត្រូវធ្វើឡើង ក្នុងរយៈពេល៦០ថ្ងៃក្រោយថ្ងៃបោះឆ្នោតនោះ។
ស្របពេលដែលគណបក្សសង្គ្រោះជាតិជំទាស់នឹងលទ្ធផលបោះឆ្នោតនេះ គណបក្សប្រជាជនកម្ពុជាឯណោះវិញ បានចេញសេចក្ដីថ្លែងការណ៍ប្រកាសជាឱឡារិកទទួលយកលទ្ធផលផ្លូវការនេះ។ ក្នុងសេចក្ដីថ្លែងការណ៍ចេញនៅថ្ងៃអាទិត្យនេះ គណបក្សកាន់អំណាចដ៏យូរមួយនេះ បានប្រកាសប្ដេជ្ញាការពារលទ្ធផលនៃបោះឆ្នោតនេះ ដោយបានចាត់ទុកថា ជាលទ្ធផលដែលកើតចេញពីឆន្ទៈរបស់ប្រជាពលរដ្ឋពិតប្រាកដ។
គួរបញ្ជាក់ថា ដូចការគ្រោងទុក គណៈកម្មាធិការជាតិរៀប ចំការបោះឆ្នោត បានប្រកាសលទ្ធផលផ្លូវការនៃការ បោះឆ្នោតតំណាងរាស្ត្រនីតិកាលទី៥ ឆ្នាំ២០១៣។ លទ្ធផលបង្ហាញថា គណបក្ស ប្រជាជនកម្ពុជាទទួលបាន៦៨អាសនៈ ខណៈដែល គណបក្សសង្គ្រោះជាតិទទួលបាន ៥៥អាសនៈ៕
ប្រភពពី៖ ខេមរភាសា
ក្នុងសន្និសីទសារព័ត៌មានយ៉ាងប្រញាប់ប្រញាល់មួយនៅរសៀលថ្ងៃអាទិត្យ ក្រោយការប្រកាសលទ្ធផលឆ្នោតជាផ្លូវការរបស់ គ ជ ប ។ លោក សម រង្ស៊ី ប្រធានគណបក្សប្រឆាំងបានប្រកាស ជំទាស់ទៅនឹងលទ្ធផលផ្លូវការនេះ ដោយលោកបានអះអាងថា ជាលទ្ធផលដែលមិនឆ្លុះបញ្ចាំងពីឆន្ទៈពិតប្រាកដរបស់ប្រជាពលរដ្ឋជា ម្ចាស់ឆ្នោតនោះឡើយ។ ហើយគណបក្សប្រឆាំងមួយនេះ នឹងធ្វើមហាបាតុកម្មជាថ្មី។
បើតាមលោក កឹម សុខា អនុប្រធានគណបក្សសង្គ្រោះជាតិ មហាបាតុកម្មនឹងចាប់ផ្តើមនៅថ្ងៃទី១៥ ខែកញ្ញា ខាងមុននេះ ហើយអាចនឹងបន្តយូរថ្ងៃតទៅមុខទៀត រហូតដល់មានដំណោះស្រាយ។ ជាមហាបាតុកម្មដែលគណបក្សប្រឆាំងមួយនេះព្រមានថា មានលក្ខណៈទ្រង់ទ្រាយធំ អាចមានការបោះជំរុំនៅហ្នឹងកន្លែង ឫក៏ដើរក្បួនជាដើម ដោយយោងទៅតាមស្ថានភាពជាក់ស្តែង។
គោលបំណងនៃការធ្វើមហាបាតុកម្មជាថ្មីរបស់គណបក្សប្រឆាំងមួយនេះ គ្មានអ្វីក្រៅតែពីការទទូចទាមទារឲ្យមានការបង្កើតគណៈកម្មាចម្រុះ ឯករាជមួយ ដើម្បីស៊ើបអង្កេតលើលទ្ធផលបោះឆ្នោតនោះឡើយ។
ការប្រកាសធ្វើមហាបាតុកម្មជាថ្មីរបស់គណបក្សសង្គ្រោះជាតិនៅពេលនេះ បានធ្វើឲ្យស្ថានការនយោបាយកម្ពុជា ហាក់ដូចជាធ្លាក់ទៅរកវិបត្តិនយោបាយធ្ងន់ធ្ងរបន្តទៀត។ ជាវិបត្តិនយោបាយ ដែលថា្នក់ដឹកនាំគណបក្សសង្គ្រោះជាតិ បានប្រកាសថា គណបក្សប្រឆាំងមួយនេះ ក៏នឹងមិនចូលរួមប្រជុំសភាលើកដំបូងក្រោមព្រះរាជអធិបតីភាពរបស់ ព្រះមហាក្សត្រ។ ការប្រជុំសភាដំបូងដែលត្រូវធ្វើឡើង ក្នុងរយៈពេល៦០ថ្ងៃក្រោយថ្ងៃបោះឆ្នោតនោះ។
ស្របពេលដែលគណបក្សសង្គ្រោះជាតិជំទាស់នឹងលទ្ធផលបោះឆ្នោតនេះ គណបក្សប្រជាជនកម្ពុជាឯណោះវិញ បានចេញសេចក្ដីថ្លែងការណ៍ប្រកាសជាឱឡារិកទទួលយកលទ្ធផលផ្លូវការនេះ។ ក្នុងសេចក្ដីថ្លែងការណ៍ចេញនៅថ្ងៃអាទិត្យនេះ គណបក្សកាន់អំណាចដ៏យូរមួយនេះ បានប្រកាសប្ដេជ្ញាការពារលទ្ធផលនៃបោះឆ្នោតនេះ ដោយបានចាត់ទុកថា ជាលទ្ធផលដែលកើតចេញពីឆន្ទៈរបស់ប្រជាពលរដ្ឋពិតប្រាកដ។
គួរបញ្ជាក់ថា ដូចការគ្រោងទុក គណៈកម្មាធិការជាតិរៀប ចំការបោះឆ្នោត បានប្រកាសលទ្ធផលផ្លូវការនៃការ បោះឆ្នោតតំណាងរាស្ត្រនីតិកាលទី៥ ឆ្នាំ២០១៣។ លទ្ធផលបង្ហាញថា គណបក្ស ប្រជាជនកម្ពុជាទទួលបាន៦៨អាសនៈ ខណៈដែល គណបក្សសង្គ្រោះជាតិទទួលបាន ៥៥អាសនៈ៕
ប្រភពពី៖ ខេមរភាសា
No comments:
Post a Comment