ការធ្វើកំណាយក្នុងតំបន់សក្ការៈ Magia (Maya Devi Temple) នៅ Lumbini ប្រទេសនេប៉ាល់ ដែលជាទីកន្លែង១ ត្រូវបាន UNESCO ទទួលស្គាល់ថា ជាទីចាប់កំណើតរបស់ព្រះពុទ្ធជាអង្គម្ចាស់ បានរកឃើញចំណែកដែលនៅសេសសល់ ហើយពុំទាន់បានដឹងនៅក្នុងសតវត្សទី៦ មុនគ្រឹស្តសករាជ ។ រចនាសម្ព័ន្ធធ្វើពីឈើ ស្ថិតនៅក្រោមបណ្តាអារាម សាងសង់ដោយដុំឥដ្ឋ ។
សាស្ត្រាចារ្យ Robin Coningham នៃសាកលវិទ្យាល័យ Durham អង់គ្លេស ឲ្យដឹងថា “មកទល់ពេលនេះ យើងបានដឹងតិចតួច ពីជីវិតរបស់ព្រះពុទ្ធ ក្រៅពីឯកសារដែលនៅសេសសល់ ព្រមទាំងរឿងនិទានតៗគ្នា ។ ហេតុនេះ យើងខ្ញុំបានចោទនូវសំណួរថា ហេតុអ្វីយើងពុំរុករកសារឡើងវិញ តាមរយៈកំណាយបូរាណវិទ្យា ដើម្បីឆ្លើយបានយ៉ាងប្រាកដប្រជា ពីកន្លែងដែលលោកប្រសូតចេញ” ។ ហេតុនេះ ឥឡូវយើងមានប្រព័ន្ធកំណាយបូរាណវិទ្យានៅ Lumbini ដំបូងគេ ហើយវត្តទាំងអស់នៅទីនោះ មានអាយុកាលអំឡុងសតវត្សទី៦ មុនគ្រឹស្តសករាជ ។
 |
អ្នកបូរាណវិទូ នៅក្បែរអារាមកំណាយឃើញ |
ការធ្វើកំណាយនេះ នៅបានរកឃើញវត្តមាននៃប្ញសឈើសម័យបូរាណ ចន្លោះវាលមួយ នៅពីមុខអារាម ។
អគ្គនាយក UNESCO មានមោទនៈភាពយ៉ាងខ្លាំង នឹងគំហើញនេះ ព្រោះវាជាចម្លើយមានលក្ខណៈជាប្រព័ន្ធ ចំពោះទីគោរពបូជាដ៏ឧត្តុង្គឧត្តមបំផុត ចំពោះសាសនាមួយ ដែលមានអាយុកាលយូរឆ្នាំបំផុត លើពិភពលោកនេះ ។ អ្នកស្រី Jvona Bokova អគ្គនាយកអង្គការនេះ សង្ឃឹមថា ការស្រាវជ្រាវបូរាណវិទ្យា នឹងត្រូវបានបន្តអនុវត្តខ្លាំងជាងមុន ហើយការអភិរក្សថែទាំ ក៏នឹងត្រូវបានរឹតបន្តឹង ដើម្បីការពារ Lumbini ។
ឯកសារប្រវត្តិសាស្ត្រ របស់ព្រះពុទ្ធសាសនា កត់ត្រាថា ព្រះមហេសី Maya Devi មាតារបស់ព្រះពុទ្ធ បានប្រសូតព្រះអង្គ ពេលចាប់តោងមែកឈើ១ ក្នុងឧស្សាន Lumbini ដែលស្ថិតនៅចន្លោះអាណាចក្ររបស់ព្រះអង្គ និងអាណាចក្ររបស់ស្វាមី និងមាតាបិតា ម្ចាស់ក្សត្រី ៕
ប្រភពពី៖ខ្មែរស្ថាបនា
No comments:
Post a Comment