I love khmer news: ការប្រារព្ធព្រះរាជពិធីបុណ្យអុំទូក បណ្ដែតប្រទីប អកអំបុក សំពះព្រះខែនៅខេត្តសៀមរាប

សៀមរាប ៖ ទាក់ទិនទៅនឹងព្រះរាជពិធីបុណ្យអុំទូក បណ្ដែតប្រទីប អកអំបុក សំពះព្រះ ខែនេះ គឺដើម្បីរំលឹកទៅ ដល់គុណព្រះគង្គា ដែលបានផ្តល់ដល់មនុស្ស សត្វ រុក្ខជាតិទាំងឡាយ ឲ្យបានរស់រានមានជីវិត សំខាន់លើការស្រោចស្រពភោគផលដំណាំ ចិញ្ចឹមជីវិត ហើយក៏ជា ពិធីមួយរំលឹក និង គោរពដល់វីរភាពនៃបុព្វបុរស នៃ ទាហានជើងទឹក នាជំនាន់ដើមដែលបាន ពលីជីវិត ក្នុងការធ្វើសឹកសង្គ្រាមតាមផ្លូវទឹក ហើយទទួលបាននូវ ជ័យជំនះលើខ្លាំងសត្រូវ ជូន ដល់ជាតិមាតុភូមិអង្គរនៃយើង។

ទោះបី មានការខកខាតមិនបានគោរព ព្រះរាជពិធីបុណ្យអុំទូក បណ្ដែតប្រទីប អកអំបុក សំពះព្រះខែ នេះ ក្នុងរយៈពេល៣ឆ្នាំមកនេះ ដោយព្រះរាជាណាចក្រកម្ពុជាយើង បានជួបនូវ គ្រោះធម្មជាតិ និង ការយាង ចូលទិវង្គតរបស់ព្រះករុណាព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ ដែលបានធ្វើឲ្យមានការ ខកខាន។ តែក្នុងនោះរាជរដ្ឋាភិបាលកម្ពុជា ក៏បាន ធ្វើការប្រកាសដល់បណ្ដាខេត្ត ស្រុក ដែលមានលទ្ធភាព ក្នុងការរៀបចំពិធីបុណ្យអុំទូក បណ្ដែត ប្រទីប អកអំបុក សំពះព្រះខែនេះនៅតាមបណ្ដាខេត្តរបស់ខ្លួន។ ក៏ប៉ុន្តែ នៅខេត្ត សៀមរាប ឆ្នាំ ២០១១ ដល់២០១៣នេះ ក៏ជួបនូវគ្រោះទឹកជំនន់យ៉ាងធ្ងន់ធ្ងរផងដែរ ហើយអាជ្ញាធរ ខេត្តក៏មិន បានធ្វើការហាមឃាត ដល់ប្រជាពលរដ្ឋ ឬបណ្ដាក្រុមហ៊ុនណាមួយឡើយ ក្នុងការគោរព ប្រពៃណី ពិធីបុណ្យអុំទូក បណ្ដែតប្រទីប អកអំបុក សំពះព្រះខែ។

នៅ ថ្ងៃទី១៦ ខែ វិច្ឆិកា ឆ្នាំ២០១៣នេះ ដែលរៀបចំឡើងដោយសមាគមន៍ និង ក្រុមហ៊ុន ស៊ូជីញ ស្ថិតនៅសង្កាត់ចុងឃ្នៀសក្រុងសៀមរាប ក៏ដូចនៅរមណីយដ្ឋានភូមិវប្បធម៌ បានរៀបចំ ធ្វើព្រះរាជពិធីបុណ្យអុំទូក បណ្ដែតប្រទីប អកអំបុក សំពះព្រះខែ ដើម្បីរំលឹក និង គោរពដល់ វីរភាពនៃបុព្វបុរសនៃទាហានជើងទឹកនា ជំនាន់ដើមដែលបានពលីជីវិត ក្នុងការធ្វើសឹកសង្គ្រាម តាមផ្លូវទឹក ហើយទទួលបាននូវ ជ័យជំនះលើខ្លាំងសត្រូវ ជូនដល់ជាតិមាតុភូមិអង្គរនៃយើង ហើយក៏ ជាមធ្យោបាយមួយ ក្នុងទាក់ទាញនូវអារម្មណ៍ភ្ញៀវទេសចរណ៍ជាតិ អន្តរជាតិ ចូលមក ទស្សនាកម្សាន្ត និង ស្វែងយល់ពីប្រវត្តិ នៃការធ្វើសង្គ្រាមតាមផ្លូវទឹក ដែលបុព្វបុរសខ្មែរយើង បានចារឹកទុក នៅតាមថ្មជញ្ជាំងប្រាង្គ ប្រាសាទបាយ័ន និងប្រាសាទបន្ទាយឆ្មាផងដែរ។ ម្យ៉ាង ទៀតការប្រារព្ធ ពិធីនេះឡើង ក្នុងគោលដៅលើកស្ទួយ វប្បធម៌ ទំនៀមទម្លាប់ ប្រពៃណីជាតិ ហើយក៏ជាយុទ្ធសាស្ត្រក្នុង ការ ផ្សព្វផ្សាយដល់ភ្ញៀវទេសចរណ៍ជាតិ អន្តរជាតិ ចូលមកទស្សនា កម្សាន្ត នៅលើទឹកដីប្រវត្តិសាស្ត្រ ទេសចរណ៍ វប្បធម៌ធម្មជាតិប្រវត្តិសាស្ត្រ ឲ្យបានកាន់ តែ ច្រើនៗឡើង។ ពិធីនេះក៏បង្ហាញនៅចំពោះសាធារណមតិជាតិ អន្តរជាតិ អំពីភាពសម្បូរបែប ខាងវិស័យ វប្បធម៌ អរីយធម៌ របស់ខ្មែរ និង ឆ្លុះបញ្ចាំងឲ្យឃើញកម្ពុជា កំពុងស្ថិត ក្នុងសុខសន្តិ ភាព សុខដុមរមនា ពេញ លេញទូទាំងប្រទេស។

ក្នុង ពិធីបុណ្យអុំទូក បណ្តែតប្រទីប អកអំបុក សំពះព្រះខែ នៅតំបន់ចុងឃ្នៀសនេះ យើងសង្កេតឃើញ មានភ្ញៀវជាតិ អន្តរជាតិ និង ប្រជាពលរដ្ឋ ចូលរួមទស្សនាកម្សាន្ត យ៉ាង ច្រើនកុះករ ក្រោមដំបូលសុខសន្តិភាព សុវត្ថិភាព ក្នុងភាពសប្បាយរីករាយក្រៃលែងផងដែរ។

សូម បញ្ជាក់ផងដែរថា ទូកដែលបានចូលរួមប្រកួត មានចំនួន៣០ទូក ស្មើ១៥គូរ ដែល មានកីឡាករ ជាប្រជានេសាទនៅសហគមន៍ចុងឃ្នៀស ដែលមានរយៈពេល២ថ្ងៃ៕