 |
បាតុករស្រែកប្រឆាំងនឹងការអនុម័តច្បាប់លើកលែង
ទោសអ្នកនយោបាយ (រូបភាពពី AFP)
|
នាយករដ្ឋមន្ត្រីថៃ លោកស្រី យីង ឡាក់ស៊ីណាវ៉ាត់ត្រា អំពាវនាវដល់អ្នកតវ៉ាប្រឆាំង រដ្ឋាភិបាលឲ្យបញ្ចប់ការប្រមូលផ្តុំតវ៉ានៅតាមផ្លូវ បន្ទាប់ពីសមាជិកព្រឹទ្ធសភាបានទម្លាក់ចោល សេចក្តីព្រាងច្បាប់លើកលែងទោសដល់អ្នកនយោបាយ។
សារព័ត៌មាន Channel News Asia ចុះផ្សាយថា លោកស្រី យីង ឡាក់ អំពាវនាវឲ្យ ប្រជាជនបញ្ឈប់ការតវ៉ានៅតាមដងផ្លូវនៅទីក្រុងបាងកក ដើម្បីទុកឱកាសឲ្យរដ្ឋាភិបាលលោកស្រីអភិវឌ្ឍន៍ប្រទេសបានពេញលេញ។ មនុស្សប្រមាណ៥០០០០នាក់ បានប្រមូលផ្តុំនៅកណ្តាលទីក្រុងបាងកក ក្នុងពេលកន្លងទៅ ដើម្បីប្រឆាំងនឹងសេចក្តីព្រាងច្បាប់លើកលែងទោស ដល់អ្នកនយោបាយ ហើយព្រឹកថ្ងៃអង្គារនេះ ចំនួនអ្នកតវ៉ាប្រមាណ២៥០០នាក់នៅតែបន្តតវ៉ា។
ទោះយ៉ាងណាសេចក្តីព្រាងច្បាប់លើកលែងទោស អ្នកនយោបាយរបស់រដ្ឋាភិបាល លោកស្រី យីងឡាក់ ត្រូវសមាជិកព្រឹទ្ធសភាច្រានចោលកាលពីថ្ងៃចន្ទម្សិលមិញ តែប្រជាជនបន្តតវ៉ា។
គណបក្សប្រជាធិបតេយ្យ ជាគណបក្សប្រឆាំងរបស់អតីតនាយករដ្ឋមន្ត្រីលោក អាប់ ភីស៊ីតវេចាជីវ៉ា ដែលទទួលបានផលប្រយោជន៍ផ្នែកនយោបាយ ពីការតវ៉ានោះ បានអំពាវនាវ ឲ្យប្រជាជនតវ៉ាទូទាំងប្រទេសបីថ្ងៃគឺចាប់ពីថ្ងៃពុធស្អែកនេះ ដើម្បីទាមទារ រដ្ឋាភិបាលរបស់ លោកស្រីយីង ឡាក់ ធានាថានឹងមិនរៀបចំច្បាប់លើកលែងទោស អ្នកនយោបាយនោះជាថ្មីទេ៕
ប្រភពពិ៖ VOD
No comments:
Post a Comment